COMMUNIQUE DE PRESSE

Ahitsy hifanaraka amin’ny lalam-panorenenan’ny repoblika faha-4 ny didy aman-dalàna mifehy ny fitsinjaram-pahefana eto Madagasikara. Araka ny fantatra ao anatin’ny lalam-panorenenana vaovao dia naverina ny faritany ao anatin’ny vondrom-paritra itsinjaram-pahefana miampy ny faritra sy ny commune, raha nofohanana ny faritany teo aloha. Araka izany dia tokony hifanitsy amin’izany ny didy aman-dalàna mifehy ny fitsinjara-pahefana sy ny fanapariaham-pahefana eo amin’ireo vondrom-paritra ireo mba hahafahana mamaritra ohatra ny andraikiny ny fifandraisan’izy ireo.

Natsangana araka izany ny vaomiera hisahana ny fanitsiana ireo didy aman-dalàna mikasika ny fitsinjaram-pahefana na « commission de révision des textes sur la décentralisation » araka ny didim-panjakana N° 2011-0040 tamin’ny 26 janvier 2011 izay lany teo anivon’ny filan-kevitry ny minisitra. Vaomiera izay tarihan’ny ministeran’ny fanajariana ny tany sy ny fitsinjaram-pahefana, ireto avy ny mpikamana ao anatiny:

• Eo anivon’ny fiadidiana ny fahefana avon’ny teteza-mita ny directeur des Etude Juridiques
• Eo anivon’ny fiadidiana ny praiminisitra ny Directeur des Etudes
• Eo anivon’ny ministeran’ny fanajariana ny tany sy ny fitsinjaram-pahefana, ny sekretera jenerany, ny directeur général de la décentralisation, ny directeur général de l’Aménagement du territoire, ny directeur général des services fonciers, ny directeur général du fond de développement local
• Eo anivon’ny ministeran’ny atitany ny directeur général de l’administration du territoire
• Eo anivon’ny ministeran’ny fitatanam-bola sy ny teti-bola ny directeur général des impôts, ny directeur général du budget
• Eo anivon’ny ministera miandraikitra ny teti-pivoara (plan), ny directeur général du plan
• Eo anivon’ny ministera miandraikitra ny asam-panjakana, ny directeur général de l’Ecole nationale d’Administration de Madagascar.

Ity vaomiera miasahana ny fanitsiana ireo didy aman-dalàna mikasika ny fitsinjaram-pahefana ity no hamolavola code na fitsipika vaovao hifehy ny fitsinjaram-pahefana sy ireo vondrom-paritra itsinjaram-pahefana, izay havadika ho didy aman-dalana rehefa avy eo. Azon’ity vaomiera hatao tsara ny mandray ireo soso-kevitra avy amin’izay manana izany.

Omaly 19/02/11 no nanomboka nivory voalohany tetsy amin’ny ministeran’ny fanajariana ny tany sy ny fitsinjaram-pahefana ity vaomiera ity, tonga niatrika izany voalohany nitondra fankaherezana sy nitondra ny tsara ho fantatra tamin’ireo mpikambana ao anaty vaomiera ny minisitry ny fanajariana ny tany sy ny fitsinjaram-pahefana Hajo Andrianainarivelo, nambaran’ny minisitra fa tsy maintsy atao ao anatin’ny sehatra iray ara-dalana tahaka ity vaomiera ity ny famolavolana ny volavolana didy aman-dalana vaovao mikasika ny fitsinjaram-pahefana .

• < Précédent
• Suivant >