Foto-drafitr’asa maro no vita ao amin’ny faritry SOFIA, maro ihany koa ireo vao hatomboka. Tamin’ity herinandro ity nandritra ny fitsidihana ny minisitry ny fanajariana ny tany sy ny fitsinjaram-pahefana Hajo Andrianainarivelo tany amin’ny faritry SOFIA ity no nitokanana ireo zava-bita, ary natomboka tamin’ny fomba ofisialy ireo vao haorina.

Anisan’ireo asa vita ny tsenan’omby ao amin’ny commune Port Bergé II, namatsy ara-bola ny ministeran’ny fanajariana ny tany sy ny fitsinjara-pahefana.

Hanampy amin’ny fametrahana ny baka ao amin’ny reniranon’I Bemarivo any Port Bergé ihany koa ny ministera, araka ny fangatahan’ny mponina.

Tao Antsohihy indray dia Vita ihany koa ny fanafoana ny tafon’ny EPP Phylibert Tsiranana ao Anjiamangirana, izay nangatahan’ity sekoly ity tamin’ny minisitra tamin’ny heritaona nandritra ny fandalovan’ny minisitra Hajo Andrianainarivelo tany antoerana.

Vita tahaka izany ihany koa ny fanavaozana ny biraon’ny commune ao Anjiamangirana SOFIA famatsiam-bola avy amin’ny ministeran’ny fanajariana ny tany sy ny fitsinjaram-pahefana.

Vita ny fanavaozana ny ny biraon’ny faritra Sofia, famatsiam-bola avy amin’ny ministeran’ny fanajariana ny tany sy ny fitsinjaram-pahefana .

Hanomboka ny fananganana ny tsena vaovao manara-penitra ao Antsohihy, napetraka ny vato fehizoro.

Manomboka ihany koa ny fanavaozana ny birao iombonan’ny fananan-tany ao Antsohihy haharitra telo volana ny asa izay efa nanomboka ny 16 Aogositra teo.

Nozaraina nandritra ny dian’ny minisitra tany amin’ny faritry SOFIA ihany koa ireo valeur fudiciaire na fitaovana fampiasan’ny commune amin’ny fampandehanana andavanandro ny asany. Ankoatr’izany ny fanokafana amin’ny fomba ofisialy ny festival VORIA izay nizarana ihany koa mariboninahitra, anisany nahazo izany ny lehiben’ny faritry SOFIA Atoa Manambina.

Ho an’I Mandritsara indray dia nahazo birao iombonan’ny fananan-tany ity distrika ity. Namatsy ara-bola ny ministeran’ny fanajariana ny tany sy ny fitsinjaram-pahefana. Nandritra ny fotoana fitokanana ity biraon’ny topo sy domaine ity no nizarana ireo titres na bokin-tany vita tamin’ny hetsika fizarana titres faobe.

Ankoatr’ireo rehetra ireo dia commune 51 hatramin’izao no efa nahazo famatsiam-bola tamin’ny FDL ao anatin’ny faritry SOFIA, efa andalana indray izao ny fanomezana ity famatsiam-bola ity ho an’ireo commune mbola tsy nahazo.

Niara-dia tamin’ny ministra Hajo Andrianainarivelo nandritra ny telo andro ny CST Jao Jean, ny lehiben’ny faritry SOFIA Manambina.

• < Précédent
• Suivant >