Fitokanana lycée Ambohipandrano

Vola mitetina 40 tapitrisa ariary no nomen’ny ministeran’ny fanajariana ny tany sy ny fitsinjaram-pahefana nentina nanampiana ireo ezaka vitan’ny Ray aman-dRenin’ny mpianatra, ny commune, ny faritra, tamin’ny famitana ny lycée vaovao ao amin’ny commune Ambohipandrano, distrikan’Arivonimamo, faritra Itasy. Lycée misy efitra efatra, miteti-bidy eo amin’ny 80 tapitrisa ariary eo ho eo. Mbola hanamboatra kianja filalaovana basket ho an’ny mpianatra ihany koa ity ministera ity. Ny ministeran’ny fanajariana ny tany sy ny fitsinjaram-pahefana izay mbola vonona ny hitondra ny anjara birikiny amin’ny fanaganana ilay trano fandraisam-bahiny sy fivoriana kasain’ny ben’ny Tanana haorina ao Ambohipandrano.